👍🏼 如果你喜歡這首原創歌曲,請入去YouTube畀返個Like啦,或者留言講下你嘅感受,謝謝!

全賴主恩,同心抗疫新歌[相信不放手] MV終於面世了!今次集合了20位基督徒音樂人的無私付出,在過去兩個多月用心製作,希望幫每一個香港人加油💪🏼💪🏼

特別將這首歌獻給每一位醫生、護士、藥劑師、治療師、健康服務助理、病房助理、清潔員、化驗室人員、飯堂員工、病房文員、各部職員、保安、運送物資司機等等(如有遺漏請自行加上)衷心感謝您們在背後默默負出,守護香港❤️❤️

對凡事林來講,呢首歌係幾方面都係新嘗試,包括:

1. 第一次有人邀請我寫歌,多謝Simon大佬的信任!我到而家都唔明點解佢會搵我呢個音樂新人,我2月收到order之後第一時間祈禱,求神賜下靈感。結果好奇妙,兩日後副歌就出來了!

2. 第一次父女合作寫歌!如果唔係阿囡幫手,我冇可能三日內作好一首歌,係我先寫副歌,然後亞囡作正歌。大家請記住Lam C這名字,佢創作嘅純音樂好好聽,有機會同大家分享。

3. 第一次有咁多音樂人一齊合作,數數手指今次參與創作同製作足足有20人,真係陣容鼎盛!更加難得嘅係大家都係義務演出,不收分毫,為香港,特別係醫護人員送上一份心意!