👍🏼 如果你喜歡這首原創歌曲,請入去YouTube畀返個Like啦,或者留言講下你嘅感受,謝謝!


原是耶穌的愛 純音樂版

👍🏼 如果你喜歡這首原創歌曲,請入去YouTube畀返個Like啦,或者留言講下你嘅感受,謝謝!

製作團隊介紹:

編曲:古丹青(資深詩歌創作人、司琴訓練導師,經典作品包括「只因愛」、「不可能的愛」、「最好的福氣」等等)
今次好榮幸可以搵到丹青姊妹幫忙編曲,佢係我一直非常欣賞的詩歌創作人,而且十分和藹可親,沒有架子。今次佢嘅編曲,非常優美動聽,令聽眾浮現起一幕幕愛的圖畫!

監製:Jim Ling(資深音樂製作人,多年來致力流行音樂與詩歌創作之編曲及監製)
我本身不認識Jim,是透過丹青認識。合作過後,發覺Jim係一位非常認真、專業、友善的人,佢亦都教識左我好多音樂上嘅知識,多謝佢!

主唱: Tina Kong (福音歌手,音樂歌唱導師)
與Tina認識多年,一直很羨慕上帝賜予她那甜美的聲線,亦見證上帝給予她很多帶領詩歌敬拜的機會。創作這首歌的時候,腦海裏面不期然想到Tina的聲音,所以縱使她已移居海外,在沒有考慮太多下立即邀請她為這首歌錄音。出來的效果真的人歌合一,感謝神!

詩歌創作意念:

《原是耶穌的愛》呢首詩歌喺2019年聖誕節出街,除咗係因為巧合之外,更加因為香港今年實在好需要主耶穌嘅愛同醫治。

人與人之間嘅撕裂,令好多香港人失去左去愛同被愛嘅勇氣。凡事林希望透過呢首詩歌,令大家記得喺大約2000年前,主耶穌親自主動嚟到呢個黑暗、冇指望嘅世界,為我地犧牲性命,將我地從絕望、死亡中拯救出嚟,令一切相信嘅人可以成為神寶貝嘅兒女,身心靈得着安慰同醫治,重拾愛的勇氣與力量!

2020年香港會變成點?冇人知道,只有上帝知道。但凡事林相信,喺最艱難嘅時候,我地更需要主耶穌嘅愛與同在,先可以有信心、有力量撐落去。誠意送上呢首歌俾大家❤

MV製作背後:

MV入邊出現嘅人物,每一個都係同凡事林關係密切的家人與朋友。
林伯伯係凡事林爸爸,佢四年前曾經兩次中風,經歷神奇妙的醫治拯救,耶穌的愛徹底改變他,叫他今天熱心認識跟隨神。
郭牧師係凡事林的證婚牧師。牧師轉眼事奉33載,現退而不休,仍然竭力為主奔跑。
宇宙係凡事林的音樂啓蒙老師,如果唔係佢,我都唔會開始試過詩歌創作
Tammy係一位滿有愛心的家庭科醫生,經常幫助凡事林及其家人。
Martin、Beina都係凡事林的好朋友,在人生低谷的時候彼此扶持,冇佢哋嘅同行,凡事林唔會有今日!
Vincent係我當年的伴郎,不幸地兩年前發現患癌,在患病中經歷神奇妙的恩典,神賜給他活潑可愛的女兒,照顧及保護著他的一家。

咁多年來,我哋都有唔同嘅經歷,悲歡離合乜都有齊,但相同嘅係,耶穌嘅愛係我哋唔同嘅人身上同樣真實!希望呢首歌同埋呢段影片,能夠令你想起耶穌嘅愛,同埋愛你及你所愛嘅人!

最後一定要多謝拍片的W弟兄,佢好專業,令成個MV出嚟嘅效果好好,不過因為種種原因,佢唔方便透露自己嘅身份,凡事林衷心感謝佢。